Champions League është kompeticioni më i rëndësishëm për klubet europiane.
Edicioni i këtij sezoni sapo ka nisur, teksa janë zhvilluar vetëm ndeshjet e para të fazës së grupeve.
Finalja e këtij edicioni është vendosur të luhet në Turqi, e para pas vitit 2005 ku Liverpooli triumfoi në mënyrë epike me përmbysje ndaj Milanit.
Finalja e këtij viti do të luhet në Stamboll, në stadiumin kombëtar “Ataturk”.
Sakaq, UEFA ka zyrtarizuar ditën e sotme edhe emrat e stadiumeve për tre sezonet në vazhdim.
Kështu, finalja e vitit 2021 do të zhvillohet në Rusi, në stadiumin e Shën Peterburgut ku luan ndeshjet skuadra e Zenitit.
Do të jetë hera e dytë për Rusinë që do të presë finalen e Champions, teksa në vitin 2008, Manchester United triumfoi me penallti në stadiumin “Luzhniki” të Moskës ndaj Chelseat.
Ndërkaq, finalja e vitit 2022, do të luhet në stadiumin e Bayern Munchen.
Në atë stadium është zhvilluar më parë finalja mes Bayern dhe Chelseat, e cila përfundoi me suksesin e “Bluve” të Londrës me penallti.
Ndërkohë, finalja e vitit 2023 do të mbahet në stadiumin mitik, “Wembley” të Londrës.
