Kroacia gabon rëndë dhe humbet një mundësi të mirë për t’u afruar gjithnjë e më shumë me kualifikimin në Euro 2020.
Nënkampionët e botës nuk shkuan më shumë se një barazim 1-1 në transfertën e Baku ndaj Azerbajxhanit, që mori pikën e parë në Grupin E pas 5 ndeshjesh, ndërkohë që Kroacia me këtë barazim u ngjit në kuotën e 10 pikëve, duke vënë në diskutim vendin e parë, pasi Hungaria ka vetëm një pikë më pak.
Golit të kapitenit të kroatëve Luka Modric me penallti në pjesën e parë iu kundërpërgjigj Khalilzada në minutën e 72-të.
