Pavarësisht fillimit të keq të kampionatit, ku Fiorentina ka koleksionuar dy humbje në dy ndeshjet e para, presidenti Rocco Commisso i garantoi vendin e trajnerit Vincenzo Montellës.
Numri një i klubit vjollcë pohoi se nuk ka aspak ndërmend të bëjë ndryshime në stol vetëm pas dy ndeshjesh në kampionat.
Ai deklaroi se Montella do të vazhdojë të qëndrojë në krye të skuadrës, duke përgënjeshtruar kështu kontaktet me agjentët e trajnerit Rino Gattuso, i cili e ka zëvendësuar edhe më parë Montellën kur mori drejtimin e Milanit.
Gjithsesi, Gattuso është në pritje të “gafës” së Montellës për t’i marrë stolin e Fiorentinës.
