Ivan Rakitic ishte një emër kryesor në idetë e Juventusit në fundin e merkatos. Mesfushori kroat dëshironte të largohej nga Barcelona për t’u veshur bardhezi me çdo kusht dhe Paratici u përpoq ta merret përsipër këtë çështje.
Siç raporton “Calciomercato.com”, Barcelona është munduar ta fusë kroatin në operacionin e Neymar, por ai asnjëherë nuk ishte i hapur për aventurën franceze.
Megjithatë një problem ka bllokuar gjithçka, pasi Juventusi duhet të largonte një mes Ruganit, Manxukiçit dhe Emre Can, por nuk arriti të gjente zgjidhjen e duhur për ta.
Kështu Paratici hoqi dorë nga Rakitic, por që mund të shfaqet si dritare në merkaton dimërore.
