Ngatërrimi i himnit të Shqipërisë, në sfidën e djeshme ndaj Francës, bëri një bujë të madhe në të gjitha mediat botërore. Ky episod i rrallë nuk kaloi pa u komentuar as nga ylli i Barcelonës dhe Francës, Antuan Grizman.
Në një prononcim pas ndeshjes, 28-vjeçari deklaroi se ishte i shokuar nga ajo që ndodhi, teksa e ka cilësuar atë si një gabim të rëndë.
“Ishim shumë të befasuar. Ishim të shokuar. Një gabim i rëndë që s’do të duhej të përsëritej. Pritëm, dhe lëshuan himnin e tyre. Edhe neve do të na lëndonte njësoj”, u shpreh Grizman.
