Federata e Afrikës së Jugut ka bërë me dije se ish-futbollisti Philemon Masinga ka ndërruar jetë në moshën 49-vjeçare për shkak të gjendjes së tij të rëndë shëndetësore. Mediet lokale shpjeguan se ish-futbollisti ishte shtruar që në muajin dhjetor në spital dhe shkaku i vdekjes mbetet mister, pasi nuk dihet se nga çfarë sëmundje u prek.
Në karrierën e tij Masinga ka veshur fanellën e Barit dhe Salernitanës në Seria A, nga viti 1997-2001. Gjatë qëndrimit të tij në Itali, sulmuesi zhvilloi 75 ndeshje duke shënuar 24 gola me skuadrën pulieze.
Ndërsa në kombëtare mbahet mend si kampion i Afrikës në vitin 1996. Ndërkohë që në karrierën e tij ka veshur edhe fanellën e Leeds në Angli, për të mbyllur ciklin e tij në vitin 2002, me skuadrën e Al-Wahda.
@BafanaBafana legend Phil Masinga has passed on.
MHSRIP pic.twitter.com/SCz0c9yxcQ— Bafana Bafana (@BafanaBafana) January 13, 2019
