Java e 6-të e Kategorisë Superiore do të kulmojë me derbin e kryeqytetit mes Tiranës dhe Partizanit. Një përballje që pritet të dhurojë spektakël si në fushë ashtu edhe në tribunë, teksa ndryshe nga vitet e tjera, këtë sezon, si Partizani ashtu dhe TNJirana luftojnë për titullin kampion.
Për të ndezur derbin ka menduar futbollisti i kuq Jasir Asani, i cili nëpërmjet një postimi në “Instastory”, nuk ka nguruar të “thumbojë” bardheblutë.
“Gati për serinë e radhës, i njëjti film e njëjta histori”, – shkruan ai duke etiketuar dhe Trashin.
Kujtojmë që Partizani nuk njeh humbje në derbi që prej shkurtit të vitit 2014-të, ndërkohë që bardhlutë do të tentojnë të prishin këtë mallkim, i cili po zgjat shumë.
