Sfida e luajtur ditën e djeshme mes Malagas dhe Albasetes në Ligën e Dytë Spanjolle, kishte në fushë edhe 3 shqiptarë.
Keidi Bare dhe Armando Sadiku për Malagën, ndërsa Rei Manaj për Albaseten, madje ky i fundit vendosi takimin me golin tij të vetëm që i dha fitoren 1-0 Albasetes.
Para ndeshjes, në një video e postuar nga klubi i Malagës në rrjetet sociale, duket edhe takimi vëllazëror mes 3 lojtarëve. Sadiku dhe Manaj ishin takuar mes tyre, ndërsa pak çaste më vonë aty afrohet edhe fieraku Bare.
Ky i fundit, ka bërë bujë edhe në rrjetet sociale, për fjalët që i drejtohet Manajt. “Ku je të q****a kokën tënde?” i drejtohet Bare-Manajt.
Ndërkohë, i menjëherëshëm është reagimi i Sadikut, që i thotë Bares të mos shajë, pasi te faqja ka shumë shqiptarë. gjithçka kaloi me humor dhe më pas, një përqafim i ngrohtë mes Manajt dhe Bares.
{“videoid”:”1569151124858″,”type”:50,”ratio”:0.75}
