Kukësi dhe Laçi luajnë mes tyre sfidën e vlefshme për javën e tretë të Kategorisë Superiore.
Takimi, i vendosur për t’u luajtur në “Loro Boriçi” të Shkodrës, vetëm një ditë pas ndeshjes mes Vllaznisë dhe Tiranës, gjen kuksianët me dy fitore radhazi, dhe kërkojnë të ruajnë ecurinë perfekte me pikë të plota në këtë nisje të kampionatit.
Nga ana tjetër, Laçi i Sulejman Starovës vjen nga një periudhë totalisht e kundërt. Kurbinasit kanë dy humbje në dy takimet e para, dhe pikët janë emergjente në këtë sfidë ndaj Kukësit.
LIVE | Kukësi-Laçi 0-1
GOL: / Nuabueze 51′
KOMENTI LIVE
53’ Goditje këndi, topi shkon tek Shkurtaj, por vlonjati gabon duke mos i rënë me kokë, por me shpatull dhe gabon nga fare pak pranë.
52’ Abazaj godet me të djathtën, por devijohet topi në goditje këndi.
51’ GOOOOOOL LAÇI 0-1/ Zhbllokohet sfida në Shkodër, shënojnë kurbinasit me Nuabuezen.Pasi futet mes dyshes së qendrës së mbrojtjes së Kukësit, i shmang, godet me të djathtën dhe nuk i lë asnjë mundësi Avdylit.
46’ Nis pjesa e dytë në Shkodër. Duro hedh menjëherë në fushë Kristal Abazajn, me Maliqin që ka mbetur në dhomat e zhveshjeve. Nga ana tjetër, Starova nuk kryen asnjë ndërrim.
