Kategoria Superiore mbylli ditën e sotme javën e saj të pestë, dhe tabela e renditjes ka pësuar lëvizje interesante.
Kukësi fitoi 2-1 përballë Tiranës në një sfidë direkte për kreun, dhe tani të dyja ekipet kryesojnë Superioren me nga 10 pikë. Por, vendin e parë momentalisht e mban Kukësi, edhe pse Tirana ka një golavarazh më të mirë, pasi FSHF ka si kriter parësor ndeshjet direkte mes ekipeve.
Vendi i tretë mbahet nga Skënderbeu, me 9 pikë, ndërsa Teuta dhe Bylisi me nga 8 pikë të dyja, renditen në vendin e katërt dhe të pestë.
Mbetet në vendin e gjashtë Partizani, pas barazimit me Bylisin. Të kuqtë tani numërojnë 7 pikë në klasifikim. Vllaznia e shtata, m 6 pikë pas pesë ndeshjeve, ndërsa 5 pikë ka Laçi, që mban vendin e tetë.
Luftëtari i parafundit në renditje, me 4 pikë në total, ndërsa mbyll tabelën Flamurtari, që merr pikën e parë në këtë kampionat, pas barazimit me Laçin.
REZULTATET – JAVA 5
Skënderbeu-Teuta 1-0
Partizani-Bylis 1-1
Kukësi-Tirana 2-1
Flamurtari-Laçi 3-3
Vllaznia-Luftëtari 0-0
RENDITJA – JAVA 5
- Kukësi – 10 pikë
- Tirana – 10 pikë
- Skënderbeu – 9 pikë
- Teuta – 8 pikë
- Bylis – 8 pikë
- Partizani – 7 pikë
- Vllaznia – 6 pikë
- Laçi – 5 pikë
- Luftëtari – 4 pikë
- Flamurtari – 1 pikë