Tekniku Klaudio Ranieri do të largohet nga drejtimi i Sampdorias këtë verë. Lajmin e bëri të ditur “Sky Sports” e cila shkruan se ka qenë vetë tekniku i cili ua ka përcjellë mesazhin futbollistëve dhe stafit duke u larguar pas dy vitesh në stolin e xhenovezëve.
Ranieri mori drejtimin e Sampdoria dy vite më parë duke arritur të bëjë mjaft mirë me ekipin.
Në dy sezonet, skuadra xhenoveze siguroi mbijetesën më herët se çdo skuadër dhe këtë sezon u rendit në vendin e 9-të ku sipër saj qëndronin vetëm skuadrat e mëdha në Itali dhe Sasuolo e cila u cilësua si surpriza e kampionatit.
Sipas mediave italiane, arsyeja e largimit të Ranierit nuk është për arsye ekonomike, por sepse vetë tekniku po kërkon një eksperiencë të re më stimuluese për të ardhmen.
