Toni Kroos kërkon përqendrim maksimal nga Gjermania e tij në ndeshjen e sotme ndaj Holandës.
Mesfushori i Realit të Madridit u shpreh në konferencën për shtyp se kjo ishte ndeshja më e rëndësishme e skuadrës së tij.
“Pres një ndeshje shumë interesante. E njohim mirë Holandën, pasi kemi luajtur disa herë në pak muaj ndaj tyre. Holandezët janë rritur shumë, kanë krijuar një skuadër të frikshme. Ata mund të na bëjnë keq në çdo moment. Loja jonë duhet të jetë konstante dhe e shpejtë. Kemi parë gjëra pozitive në takimet e fundit, kjo do të thotë që jemi në rrugën e duhur. Në 90 minuta mund të ndodhin shumë gjëra, ndaj përqendrimi duhet të jetë maksimal nga të gjithë”, deklaroi Toni Kros.
