Zinedine Zidane qëndron me këmbë në tokë.
Pas fitores 2-0 kundër Osasunas të mërkurën mbrëma, Real Madrid mori kreun e La Liga-s, por trajneri francez mendon se është shumë shpejt të flitet për titullin kampion.
“Ne tashmë jemi kryesues, ama kjo nuk do të thotë asgjë…”, tha Zidane në një konferencë për mediat.
“Ajo që ka rëndësi është të vazhdojmë në rrugën e duhur. Ne duhet të besojmë në atë që po bëjmë. Javët në vijim do të kemi ndeshje të vështira, është shumë shpejt të flasim për titullin kampion”, përfundoi ai.
