Futboll Kombëtarja Shqipëri Sport

SFIDA ELIMINATORE NDAJ FRANCËS/ Mesfushori Bare: Jemi të motivuar, mund t’i…

Mesfushori Keidi Bare u rikthye në Kombëtaren shqiptare dhe ishte përzgjedhur që të dilte në konferencën për shtyp ditën e sotme, ku foli për ndeshjet e radhës eliminatore dhe momentin që po kalon në Spanjë te Malaga.

Keidi si ndiheni për rikthimin në Kombëtare?

Të them të drejtën e prisja shumë këtë ftesë dhe jam shumë i lumtur që jam këtu. Shpresoj që tani të jap maksimumin për të mirën e ekipit.

Keni folur me trajnerin? Besoni se jeni në plan për të luajtur nga fillimi?

Kam folur pak para dy ditësh dhe më foli shumë fjalë të mira. Nuk e di a do të luaj, por po punoj fort që të justifikoj në fushë besimin e teknikut.

Te Malaga ka ardhur edhe Sadiku. Si është situata aty?

Fola me Sadikun dhe më tha që ndihet shumë mirë atje. Njerëzit atje janë shumë mikpritës dhe besoj se Sadiku do të japë maksimumin për të bërë diçka të mirë për atë skuadër.

Si e keni parë skuadrën këto ditë dhe sa gati jeni për ndeshjen ndaj Francës?

Skuadrën e shoh shumë të motivuar dhe të gjithë punojnë shumë mirë, duke dhënë maksimumin, por duhet të theksoj se Franca është një ekip shumë i madh dhe ka emra shumë të bujshëm në organikë, që mund të bëjnë shumë mirë, megjithatë ne jemi gati të japim maksimumin, për të marrë një rezultat të mirë.

A besoni realisht te një rezultat pozitiv në Francë?

Unë besoj çdo gjë, pasi në futboll mund të arrish gjithçka, pavarësisht kundër kujt luan. Megjithatë ne duhet të japim maksimumin tonë dhe të shpresojmë që të marrim diçka.

Me sa pikë do të ishit të kënaqur nga këto dy takime?

Të them 6, dukem pak si egoist. Franca është shumë ekip i fortë, por ne mund të tentojmë që të marrim të paktën një barazim.

Related posts

EMANUELE NDOJ PËSON DËMTIM/ Brescia gjen zëvendësuesin e mesfushorit shqiptar…

Delo.autor

ARSENAL-LIVERPOOL, NDESHJA E DITËS/ Arsenali i Xhakës dhe Mustafit kundër Liverpoolit të Shaqirit (FORMACIONET)

Isa.Autor

NGA SERGIO RAMOS TEK ZIDANE/ Trajneri Ancelotti premton: Këndoj himnin po fituam Champions-in

Delo.autor

Leave a Comment