Një operacion blic i policisë italiane, ka bërë të mundur arrestimin e 12 ultrasve të Juventusit si pjesë e një hetimi të drejtuar nga zyra e Prokurorit Publik të Torinos.
Mediat italiane raportojnë se ndaj tyre rëndojnë akuzat si veprimtari kriminale, zhvatje, dhunë dhe për shantazh ndaj klubit bardhezi për biletat.
Që nga sot në mëngjes, 39 kërkime janë duke u zhvilluar në qytete të tilla si Milano, Xhenova, Firence dhe Bergamo, mes të tjerave, kundër 37 anëtarëve të tjerë të grupeve.
