Vërshëllima finale e Xhanpaolo Kalvarezes solli Marselo Brozoviçin përpara mikrofonave të “Sky Sports”, për të komentuar fitoren e radhës kundër Sampdorias. Fantastik asisti i tij për golin që vulosi triumfin:
“Asisti për Galjardinin vlen sa dy golat e parë të shënuar. Luajtëm një ndeshje të mirë, duke vuajtur ndoshta pas kartonit të kuq pak të ekzagjeruar, por arritëm të fitojmë dhe kjo është e rëndësishme”. Por cili është sekreti i këtij starti perfekt të kampionatit për zikaltrit?
“Antonio Konte thotë atë që duhet të bëjmë në stërvitje. Ne e dimë se çfarë duhet të bëjmë në fushë dhe duket. E treguam edhe në këtë ndeshje”, shtoi kroati, skuadra e të cilit tani ka Juventusin në horizont: “Tani nuk na interesojnë.
Na pret ndeshja me Barcelonën në Champions. Janë një prej skuadrave më të forta në botë dhe duam të tregojmë se edhe ne jemi në majë”.
