Ndeshjet kualifikuese të radhës ndaj Armenisë dhe Finlandës do të rezultojnë më të komplikuara sesa parashikohej për trajnerin e Italisë, Roberto Mancini.
Pas Chiellinit, De Sciglios e Christantes, në infermierinë e kombëtares italiane dje është shtuar edhe Lorenzo Insigne.
Sulmuesi i Napolit kishte pësuar në ndeshjen ndaj Juves një dëmtim muskular, të cilin nuk ka mundur ta lërë pas në këto ditë grumbullimi.
Për fatin e kapitenit napolitan, asgjë e rëndë, por mjafton për të hequr dorë nga Italia.
Sulmuesi është kthyer në Napoli, ku do të vijojë kurat deri në nisjen e kampionatit, teksa Mancini pas thirrjes së “rezervave” si Acerbi, D’Ambrossio e Tonali për të zënë vendin e Insignes, ka grumbulluar Grifon, i cili luan si sulmues krahu në radhët e Freiburgut.
Të enjten “axurrët” do të luajnë në Erevan ndaj Armenisë dhe në përfundim të sfidës do të rikthehen menjëherë në Itali.
Pak kohë në dispozicion të Roberto Mancinit, i cili duhet të përgatisë në 48 orë edhe ndeshjen me Finlandën që do të jeta eliminatorja e gjashtë për kualifikueset e “Euro 2020”.
