Tirana mori masat me ndriçim. Për të shmangur ndonjë situatë të pakëndshme, sikundër u ndodhi në derbin e para dy viteve, këtë herë gjetën zgjidhje alternative. Gati 6 milionë kanë shpenzuar drejtuesit për të marrë me qira një gjenerator në Durrës.
-Drejtori i Partizanit i kërkon llogari drejtorit të Tiranës për incidentin dhe foninë e vendosur në anën e stadiumit.
-Dy trajnerët, Ardian Mema dhe Franko Lerda ishin veshur me pantallona të errëta dhe këmisha të bardha, por trajneri i të kuqve mbante edhe xhaketën veshur.
Arbitri i 4-t i kërkon Ardian Memës që të veshë diçka tjetër dhe të heqë këmishën e bardhë, pasi ishte e ngjashme me fanellën e ekipit bardheblu. Në të 12-ën vesh një bluzë kafe, por trajneri lëshon një batutë: “Do ma heqin edhe këtë, se do e ngatërrojnë me të Partizanit”.
-“Tirana Fanatics” valëvitën një flamur të Partizanit me kokë poshtë, të cilin e dogjën në minutën e 65-të. Ndërkohë që nuk mungoi as kundërpërgjigjia e “Guerrils” të cilët dogjën shallin e Tiranës.