Për trajnerin e Inter, Antonio Conte ka shkuar trofeu i “Tapiro d’Oro” që jepet nga grupi i famshëm italian i transmetimeve audiovizive “Mediaset”, pas humbjes 1-2 ndaj Juventus. Një disfatë që u hoqi zikaltërve kreun e klasifikimit, por Conte e merr me filozofi, madje duke mohuar edhe çdo ndjenjë hakmarrje ndaj ish-ekipit të tij, Juventus.
“Humbëm, ata u treguan një skuadër më e fortë. Unë nuk kam nevojë për asnjë hakmarrje. Tashmë punojmë për të bërë që gjërat të shkojnë më mirë”, deklaroi Conte, i pyetur nga gazetari i “Mediaset” nëse kishte dëshiruar të ishte Conte i Montecristos përballë bardhezinjve.
Ndërkohë, lidhur me peticionin e tifozëve të “Zonjës së Vjetër” për të hequr yllin dedikuar Contes nga “Hall of Fame” i stadiumit të Juventus, Conte deklaroi: “Ylli kometë? Po po, ata janë djem të rinj”.