Flamurtari e zhvilloi dje në stadium dhe me dyer të mbyllura seancën e fundit stërvitore, në prag të ndeshjes me Skënderbeun. Ekipi është vendosur nën urdhrat e trajnerit Birçe rreth orës 10:30 minuta.
Duke qenë se konsiderohet një ndeshje si finale për vlonjatët, trajneri dhe drejtuesit e klubit kanë kërkuar qetësi maksimale, duke mbyllur dyert e stadiumit e duke “izoluar” lojtarët.
Vetëm dy mungesa do të ketë skuadra për ndeshjen e sotme. Deliaj dhe Gocaj mungojnë për shkak të kartonëve, ndërsa pritet të zëvendësohen nga Vatnikaj dhe Qarri. Gjasat janë që të mos ketë të tjera ndryshime, krahasuar nga ndeshja e fundit me Vllazninë.
