Tek Interi pritet të ndodhin disa përforcime në merkaton e janarit, kryesisht në repartin e mesfushës.
Sipas asaj që shkruan “La Gazzetta dello Sport”, në janar Marota dhe Auzilio, do të plotësojnë kërkesat që ka trajneri, Antonio Konte. Dëshira e pare e teknikut zikaltër është mesfushori i Barcelonës, Arturo Vidal, të cilin zikaltërit e kërkuan edhe në merkaton e verës.
Megjithatë kiliani nuk është dëshira e vetme e drejtuesve “zikaltër”, të cilat po ndjekin me vëmendje edhe një lojtar tjetër. Bëhet fjalë për mesfushorin e Ajaksit, Doni Van de Bek, te cilin do të tentojnë ta transferojnë në ekip, në merkaton e janarit.
Një lajm ky aspak i mirë për Real Madridin, të cilët gjithashtu prej kohësh kanë shfaqur interes për të nënshkruan me holandezin.
