Mauricio Sarri dëshiron të ketë një skuadër të fortë për të arritur objektivat dhe, një nga më të rëndësishmet është fitimi i Ligës së Kampionëve.
Juventusi e ka nisur mirë këtë sezon teksa në 6 ndeshjet e para në kampionat ka marrë 5 fitore dhe 1 barazim. Tekniku i bardhezinjve e ka njohur skuadrën shumë mirë dhe tani është më i qartë se për çfarë lojtarësh ka nevojë në merkaton e ardhshme.
Një nga lojtarët që Sarri do te “Zonja e Vjetër” është Ngolo Kante, të cilin e ka stërvitur gjatë kohës kur ishte nën drejtimin e Çelsit. Sipas asaj që shkruan “DailyMail”, drejtuesit italian kanë nisur ofensivën për të marrë mesfushorin francez në skuadër.
Bardhezinjtë janë të gatshëm të ofrojnë rreth 80 milionë euro, teksa shpresojnë se me këtë ofertë do të bindin drejtuesit e Çelsit për ta lënë të lirë lojtarin.
