Fitorja e Milanit ndaj Xhenoas duket se nuk i mjafton Xhampaolos për të qëndruar në stolin e kuqezinjve.
Siç raporton “Gazzeta Dello Sport”, drejtuesit janë duke vlerësuar alternativat për të zëvendësuar Xhampaolon, i cili deri më tani nuk ka bërë një punë të mirë te Milani, që qëndron poshtë mesit të tabelës.
Emri i parë në listën e Maldinit dhe Bobanit, është ish-trajneri i Interit, Luçiano Spaleti, për të cilin Milani duhet të shpenzojë diçka më shumë.
Raportohet se po punohet për të bindur Spaletin që të marrë sa më shpejt drejtimin e skuadrës.
Nga ana tjetër në listën e drejtuesve janë: Pioli, Ranieri, Rudi Garsia, apo dhe Prandeli.
Priten me interes të rejat, në kampin e Milanit, që nuk është i qetë në këtë fillim kampionati.
