Keisuke Honda prej kohësh është në kërkim të një ekipi, për të vazhduar karrierën e tij.
Madje japonezi ka shkuar deri atje, sa njoftimin për kërkimin e një skuadre e ka bërë edhe në rrjetet sociale.
Nëpërmjet “Twitter”, Honda i ishte vetë ofruar Milanit dhe Junajtid me shpresën se të dyja klubet do të nisnin kontaktet. Përfundimisht 33-vjeçari ia doli të gjejë një ekip, për të ushtruar profesionin e tij.
Honda nga nesër do të fillojë stërvitjen me Viteshen, në Holandë, ku ai rikthehet pas 10 vitesh, ku luante për Venlo para se të kalonte te Cska e Moskës. Diçka të tillë e ka njoftuar vetë lojtari, i cili nëpërmjet një postimi në “Twitter”, shkruan se do të nisë aventurën me ekipin holandez.