Ditën e djeshme u luajt ndeshja midis Breshas dhe Fiorentinës, e cila përfundoi me rezultatin e barabartë 0-0.
Një nga lojtarët më të mirë të Breshas ditën e djeshme, ishte mesfushori italian Sandro Tonali. 19-vjeçari ndihmoi skuadrën e tij të merrte një barazim të rëndësishëm, përballë një kundërshtari të vështirë si Fiorentina.
Megjithatë ditën e djeshme në stadium ishte i pranishëm drejtori sportiv i Interit, Piero Auzilio, i cili ndoqi nga afër pikërisht mesfushorin. Zikaltërit e pëlqejnë shumë lojtarin, dhe në merkaton e janarit mund të provojnë ta marrin në ekipin e tyre.
Kujtojmë se më parë për lojtarin ka shfaqur interes edhe Milani, por kuqezinjtë pas largimit të Leonardos nga posti drejtues, hoqën dorë nga interesimi për futbollistin, duke shikuar objektiva të tjerë.
