Manchester Unitedi ka udhëtuar në Holandë për përballjen me AZ Alkmaarin në kuadër të Ligës së Evropës, që do të zhvillohet sonte në orën 18:55.
“Djajtë e kuq” do të tentojnë ta sigurojnë një fitore bindëse kundër holandezëve, për të qenë në humor të mirë para përballjes me Newcastle në Premeirligë këtë fundjavë, transmeton Gazeta Express.
Lojtarët e Ole Gunnar Solskjaer së fundi luajtën të hënën, në barazimin 1:1 në shtëpi kundër Arsenalit. Edhe pse “Djajve të kuq” u mungojnë disa lojtarë kryesorë për këtë ndeshje, ata janë favoritë për ta siguruar sonte fitoren e dytë radhazi në Evropë.
Kundërshtarët e tyre holandezë barazuan 2:2 me Partizanin e Beogradit në ndeshjen hapëse të Grupit L të edicionit të ri të Ligës së Evropës, gjatë muajit shtator, përkundër që kishin luajtur me dhjetë lojtarë.
Mirëpo, skuadra e Eredivisie, nivelit të parë të futbollit në Holandë, do të shpresojë se do të mundë t’i shmangë incidentet e atilla kundër skuadrës së Solskjaerit sonte.
LIVE/ Alkmaar – Manchester United 0-0
MINUTA 1/ Nis sfida
