Futboll Kategoria Superiore Sport

MUKA “VETON” PËR TRAJNERIN MEMA/ Halili nuk donte shpenzime ekstra, ja prapaskenat tek Tirana

Tirana është ngrënëse trajnerësh. Këtë e di shumë mirë ai që punon si trajner dhe që për më tepër merr drejtimin e bardhebluve. Janë shumë faktorët që të çojnë në këtë konkluzion. Pak a shumë e njëjta histori është edhe ajo e Ardian Memës. Nuk është e fshehtë, se drejtuesit një dorëheqje do ta pranonin me qetësi dhe kënaqësi.

Kjo u vërtetua nga fjalët e presidentit Refik Halili. Gjithsesi, qëndrimi i Ardian Memës te Tirana është kushtëzuar nga katër faktorë shumë të rëndësishëm dhe vendimtarë për fatin e trajnerit të Tiranës. Të gjithë këta faktorë kanë bërë që Mema të ketë sërish shansin e tij të madh për të ngritur në maja Tiranën.

PARATË

Dihej që Refik Halili nuk do ta kishte shkarkuar Ardian Memën asnjëherë për një fakt. Kostoja financiare që do të sillte ky operacion do të rëndonte klubin dhe vetëm një marrëveshje xhentëlmenësh mund ta mbyllte punën. Dorëheqja nuk erdhi. As marrëveshja dhe në këto kushte, Halili nuk lëvizi. Faktori financiar luajti rol goxha të rëndësishëm në qëndrimin e Ardian Memës.

VETOJA

Te Tirana e dinë të gjithë. Refik Halili dhe Devi Muka janë jo vetëm miq të mirë, por e besojnë shumë njëritjetrin. Muka është sponsori kryesor i Ardian Memës në ekip dhe gjithmonë i ka dalë në krah.

muka halili

 

Burimet thonë që edhe këtë herë ai e ka mbrojtur Memën, duke vënë veton e tij te Halili, madje duke vënë në tavolinën e presidentit edhe dorëheqjen e tij dhe stafit, nëse presidenti shkarkonte apo largonte trajnerin e parë. Katër këta faktorë ishin vendimtarë për qëndrimin e Ardian Memës te Tirana. Ama ultimatumi i ndeshjeve mbetet. Nëse nuk fitohet në dy takimet e ardhshme dhe bëhet kthesa e madhe që është premtuar në mbledhjen e djeshme, vendimi i Halili është i pashmangshëm…

Related posts

SERIE A/ Hamsik: Juventus është klubi më i fortë, por jo ekipi më i fortë…

Sadik.Autor

Merr fund çështja e privatimizit për Vllazninë, kryebashkiakja e Shkodrës jep lajmin e madh

Sadik.Autor

PAS 6 SEZONESH ME LIVERPOOL/ Portieri Mignolet transferohet në kampionatin belg tek…

Delo.autor

Leave a Comment