Samuel Umtiti është dëmtuar sërish në gjurin e majtë dhe do të stopohet për një periudhë që ende nuk dihet.
Kështu që Barcelona nuk ka durimin të bazohet te francezi, i cili me dëmtimet e tij mund ta lërë skuadrën në “baltë” në çdo moment.
Pas duelit të humbur në merkaton e verës ndaj Juventusit për Matajs De Ligt, Barcelona kërkon të fitojë një duel me një skuadër tjetër italiane.
Siç raportojnë mediat në Itali, katalanasit kanë hedhur sytë në tre qendërmbrojtësa klasi. Bëhet fjalë për dy të Interit, Stefan De Vraj e Milan Shkrinjar dhe atë të Napolit Kalidu Kulibali.
Në një moment që Interi tenton ringritjen largimi i një lojtari qendre si Shkrinjar apo De Vraj do të ishte hap pas për zikaltrit.
Ndërsa për Kulibalinë e Napolit duhet që katalanasit të përballen me “murin” që quhet De Laurentis, i cili do më shumë se 105 milionë euro të shesë senegalezin.