Ivan Rakitiç po kalon një periudhë shumë të keqe te Barcelona, teksa nuk është më një zgjedhje e parë e trajnerit.
Mesfushori kroat ka pasur shumë pak minuta në këtë fillim sezoni, duke u aktivizuar vetëm në një ndeshje si titullar. Kjo nuk i pëlqen aspak bashkëshortes së lojtarit, e cila për këtë periudhë që po kalon partneri i saj ka reaguar nëpërmjet një postimi në “Instagram”.
Në një “story”, Rakel Mauri kritikon trajnerin katalanas dhe i del në mbrojtje partnerit të saj: “Ti nuk e ul kokën asnjëherë, je një shembull i mençurisë dhe profesionalizmit. Të dua për gjithçka që je, ti je i shkëlqyer dhe askush nuk mund të të ndryshojë.”, shkruan gruaja e Rakitiç.
Mesa duket kjo gjendje e kroatit nuk ka prekur vetëm lojtarin, po ka prekur edhe pjestarët e tjetër të familjes, të cilët ndihen keq njëjtë si futbollisti.
