Kemal Ademi po tregon një formë shumë të mirë te Bazeli në këtë fillim sezoni, teksa deri më tani, teksa në 9 ndeshje të zhvilluara në kampionat ka arritur të shënojë 6 gola.
Për shkak të paraqitjeve të shkëlqyera, Ademi tashmë ka fituar postin e titullarit te ekipi zviceran. Kohët e fundit kanë qarkulluar lajme se lojtari është kontaktuar nga Shqipëria dhe Kosova, për të zgjedhur kombëtaren që do të përfaqësojë.
Megjithatë, mundësitë që lojtarin ta shikojmë me bluzën e Shqipërisë janë minimale, teksa diçka të tillë e ka pranuar edhe vetë lojtari.
Në një intervistë të dhënë për “BZ Basel”, 23-vjeçari është shprehur se ai është në kontakte me tre kombëtare: “Objektivi im më i madh është të luaj në Kampionatin Europian, verën e ardhshme. Unë me të vërtetë dua të luaj atje. Kosova, Zvicra dhe Gjermania, të treja do të ishin të mundshme.
Jemi në kontakte me të tre kombëtaret. Nuk jam aspak i shqetësuar për këtë dhe dua vetëm të përqendrohem te Bazeli. Çdo gjë do të vijë vetë me kohën.”, u shpreh Ademi.