Alesio Romanjoli është një nga lojtarët më të dashur nga tifozët e Milanit, teksa nuk ka pasur asnjëherë probleme me fansat.
Vetëm pak kohë më parë, mbrojtësi italian u largua nga agjenti Serxhio Berti, dhe ishte në kërkim të një agjenti tjetër.
Sipas asaj që shkruan “Sportmediaset”, 24-vjeçari ka zgjedhur agjentin e ardhshëm me të cilin do të bashkëpunojë. Mino Raiola është zgjedhja e kapitenit kuqezi, i cili me këtë vendim ka irrituar së tepërmi tifozët.
Fansat kuqezi e urrejnë agjentin në fjalë, pasi vetëm para dy vitesh Raiola i detyroi drejtuesit e Milanit ta rinovonin kontratën me Donarumën, në të kundërt ata do të largoheshin, me fansat që asokohe dolën edhe kundër portierit.