Erjona Sulejmani është një ndër personazhet më të komentuara të botës së shoëbizit. Modelja shkodrane, e cila u bë e njohur për shkak të martesës me mesfushorin Blerim Xhemaili, ka rrëmbyer sërish skenën.
Ajo është tepër aktive në rrjetet sociale, teksa shpeshherë nuk nguron t’iu japë përgjigje pyetjeve pikante. Një nga pyetjet që ndjekësit i bëjnë shpesh në “Instagram” është për marrëdhënien e saj me ish-bashkëshortin Blerim Xhemaili. Çifti ka sjellë në jetë një fëmijë, ndërkohë që prej disa kohësh janë ndarë.
Pyetjes nëse martesa me Xhemailin përfundoi për arsye tradhtie, Erjona iu përgjigj: “Jo, jo, nuk ishte ky motivi.”
Ndërkohë e pyetur nëse Erjona do të rikthehen në krahët e futbollistit të Bolonjës, modelja u përgjigj:
“Është një pyetje që ma bëni gjithmonë po përgjigjem një herë e mirë për të gjitha. Nuk më pëlqen t’i përsëris gjërat në jetën time dhe aq më pak të besoj te supa që ngrohet disa herë. Ne e respektojmë njëri-tjetrin për rolin që kemi si prindër të Luanit”.
