Kapiteni i Shqipërisë, Ledian Memushaj, ishte përkrah trajnerit Edy Reja në konferencën për shtyp para ndeshjes me Moldavinë. Ai mendon se skuadra duhet të reagojë shpejt dhe të harrojë shpejt humbjen me Turqinë.
Moldavia – “Ndeshja me Turqinë na mërziti, pasi duhet të përgatitemi për Moldavinë dhe të kthehemi te rezultatet pozitive. Nesër kemi një ndeshje më të rëndësishme. Jam i kënaqur me mënyrën si kanë reaguar lojtarët”.
Përmirësimet – “Me Turqinë treguam nga ana taktike dhe teknike që jemi përmirësuar. Kundërshtarë të tillë tregojnë se sa jemi pjekur. Duhet të përmirësohemi në fazën sulmuese. Nuk është vetëm faji i sulmuesve, por dhe i mesfushorëve dhe ekipit”.
