Serbi-Shqipëri në Beograd, atë 14 tetor të vitit 2015, ende nuk ka mbaruar… Ose më saktë, përsëritet, sa herë është mundësia, sërish në një fushë futbolli. Nga droni te… simbolet kuqezi, që tërbojnë serbët, gjithmonë dhe kudo, duke përmendur Kosovën në mes.
Kështu, miqësorja mes Brescias dhe Vojvodina në Orzinuovi të Brescias u ndërpre pikërisht sepse tifozët serbë që ndodheshin aty nuk kanë duruar që 2-3 tifozë shqiptarë janë ngjitur në rrethimin e fushës dhe kanë shpalosur flamurin shqiptar dhe simbolet kuqezi, duke bërtitur “Kosova është Shqipëri!”.
Më pas, tifozët serbë kanë hyrë në fushë dhe kanë vrapuar drejt vendit ku ndodheshin shqiptarët, që të paktë në numër, 2 ose 3, kanë vrapuar dhe janë larguar, por gjesti i tyre ndërpreu ndeshjen totalisht.
