Është mbyllur në barazim 1-1, sfida mes Milanit dhe Napolit e vlefshme për javën e 13-të në Serinë A.
Ndeshja nisi e vakët për të dyja ekipet, të cilat më shumë mbroheshin sesa tentonin të sulmonin. Ishin miqtë ata që kaluan të parët në avantazh. Në minutën e 24’, Lozano dërgoi në rrjetë një top që ishte kthyer nga tranversa pas një goditje të fortë nga Insinje.
Avantazhi për napolitanët zgjati vetëm 5 minuta, pasi në minutën e 29’, Bonaventura me një predhë nga jashtë zonës dërgoi topin në rrjetë duke i dhënë barazimin ekipit të tij. Pas këtyre golave të dyja skuadrat u zgjuan, dhe tentuan disa herë portën e njëra-tjetrës.
Me këtë rezultat u mbyll pjesa e parë, me pjesën e dytë që nisi përsëri e vakët. Të dyja ekipet duket se ishin të kënaqura me barazimin dhe tentonin shumë pak për golin e avantazhit, ndonëse barazimi nuk i bënte punë, as Milanit as Napolit.
Pas ndeshje Milani renditet në vendin e 13-të me 14 pikë, ndërsa Napoli renditet në vendin e 7-të me 20 pikë.