Media italiane ka shfajësuar portierin shqiptar, Thomas Strakosha, nga dy golat e pësuar dje kundër Sëlltikut, duke e vlerësuar me notën 6 paraqitjen e tij:
“Fillimisht është një bombë diagonale nga brenda zonës që nuk i lë asnjë mundësi reagimi. Goditja e Forrest ishte shumë e fortë dhe precize për të mos përfunduar në rrjetë, ndërsa Ntçam e gjunjëzon për herë të dytë, në frymën e fundit. Edhe pse Strakosha provoi të dalë, parabola e ëmbël e sulmuesit të skocezëve ishte shumë perfekte për t’u ndalur. I tradhtuar nga mbrojtja e tij”.
Ndërkohë, për mesfushorin kosovar, Valon Berisha, ishte e vështirë që të kurseheshin tonet negative. “Zbret në fushë në të 82- ën në vend të Vavros, por në 13 minuta (8, plus 5 shtesë) shkatërron gjithçka: fillimisht gabon me të djathtën golin e fitores së Lacios, përpara se këmba e tij e preferuar ta tradhtojë sërish, por këtë herë duke u ofruar topin e fitores skocezëve, i cili i garantoi kualifikimin. Shkurt një mbrëmje horror, dy gafa thjesht të papranueshme”.
