Përpara nisjes së seancës stërvitore të skuadrës së Napolit, jashtë stadiumit “San Paolo” kaq pasur tension. Afërsisht 150 ultras të skuadrës “partenopei” ishin mbledhur dhe kanë kundërshtuar aktin rebelues të skuadrës së tyre për t’u mos grumbulluar pas sfidës me Salcburgun.
“Ju jeni lojtarë mercenarë”, “Ne meritojmë më shumë”, “Respekt”, ishin disa nga banderolat që kishin hapur ultrasit për t’iu treguar se veprimet që ata kanë bërë nuk ishin të drejta.
Lojtarët mbërritën në stadium secili me makinën e vet ose me taksi dhe nuk janë ndalur jashtë për t’u ballafaquar me ultrasit, por janë futur menjëherë për të nisur stërvitjen, për ndeshjen e radhës kundër Xhenoas.