Rrugët e Milanit me Xhakomo Bonaventurën mund të ndahen me dëshirë në fundin e sezonit. Dëmtimi i rëndë në gju që pësoi italiani, sezonin e shkuar nuk po e lë lojtarin të japë më të mirën, në fushën e lojës dhe kështu largimi është shumë i mundshëm.
Lojtarit i skadon kontrata në qershor të 2020-ës dhe Milani ende nuk e ka thirrur menaxherin e tij, Mino Raiolën për një takim ku do të flitet për rinovimin.
Këtë sezon mesfushori është rikthyer në fushën e lojës, por jo në nivelet që jemi mësuar ta shohim, kur Gatuzo ishte në krye të pankinës së Milanit.
E vetmja mundësi që e mban Bonaventurën te kuqezinjtë është që në tre muaj, ai të tregojë vlerat e tij, nën urdhërat e Piolit, i cili e pëlqen lojtarin dhe aftesitë e tij.
