Do të luhen sot dhe nesër ndeshjet e katërta, të vlefshme për fazën e grupeve në Ligën e Kampionëve. Janë disa skuadra që mund të sigurojnë kalimin nga faza e grupeve që në ndeshjet sot dhe nesër.
Në grupin A: PSG-ja do të siguronte kualifikimin edhe nëse merrte një pikë sot ndaj Klub Bryzhit.
Në grupin B: Bajerni do të kalonte në raundin tjetër edhe me një barazim ndaj Olimpiakosit, në rast se Totenhemi mposht Crvena Zvezdën.
Në grupin C: Siti me një fitore ndaj Atalantës do të siguronte kalimin në 1/16-at, duke lënë Shaktarin e Donjetskut dhe Dinamo Zagrebin të luftojnë për vendin e dytë.
Në grupin D: Juventusi dhe Atletiko Madridi do të siguronin kualifikimin në rast se do të triumfonin, respektivisht ndaj Lokomotivës së Moskës dhe Leverkusenit.
Në grupin E: Nëse Napoli fiton ndaj Salzburgut dhe Genk nuk ia del të mposhtë Liverpulin, atëherë italianët do të kalonin në fazën tjetër.
Në grupin F: Në këtë grup ndodhen Barcelona, Dortmundi, Interi dhe Slavia, asnjë skuadër nuk mund të marrë biletën e kualifikimit nga kjo javë.
Në grupin G: Edhe në këtë grup nuk mund të vendosen asgjë, pasi Lajpcigu, Zeniti, Lioni dhe Benfika, duke se do të luftojnë deri në ndeshjen e fundit për të përcaktuar dy skuadrat që do të kalojnë në fazën tjetër.
Në grupin H: Lil e ka humbur terrenin, por Çelsi, Valencia dhe Ajaksi janë afër me njëra-tjetrën ne renditje, kështu që asnjë ekip nuk mund të sigurojë kualifikimin që ndeshjet e kësaj xhiro.
