Real Madrid po punon në fshehtësi dhe përveç Eden Hazard kërkon të sjellë në “Santiago Bernabeu” një tjetër lojtar të Chelsea. Bëhet fjalë për kampionin e botës N’Golo Kante. Kontrata e mesfushorit francez skadon në vitin 2023, ndaj duket e vështirë për të realizuar këtë transferim.
Gjithsesi, sipas të përditshmes “Express”, madrilenët do të tentojnë këtë transferim deri në fund të merkatos, duke parë se lojtari nuk është më i lumtur në Londër. Gjatë këtij sezoni Kante nuk ka luajtur në pozicionin e tij, pasi trajneri Maurizio Sarri ia besoi organizimin e lojës Jorginho.
Për të siguruar Kante, skuadra “merengues” duhet të zbrasë mirë xhepat, pasi Chelsea e vlerëson lojtarin rreth 100 milionë euro. 28-vjeçari është në sezonin e tij të tretë me Chelsea, ndërkohë që në Premier League ka fituar 2 tituj kampionë: Me Leicester dhe Chelsea.
