Tërmeti që goditi mëngjesin e 26 nëntorit, solli pasoja shumë të rënda dhe ka solidarizuar shumë vende për të ndihmuar Shqipërinë në këtë moment të vështirë.
Shtete si Mali i Zi, Greqia, Italia, Franca, apo Turqia i janë bashkuar nismave, për të ndihmuar Shqipërinë.
Edhe bota e futbollit është bashkuar dhe është vënë në ndihmë të vendit tonë. Së fundmi, Paolo Baldieri, ish-sulmuesi i Romës dhe Leçes ka vendosur të grumbullojë ndihma, të cila do t’i nisë drejt Shqipërisë, siç raporton “calcioleçe.it”.
Madje ish-sulmuesi italian, bën me dije se ai që ndihmon do të qeraset me një kafe në lokalin e tij. Veprime të thjeshta, që tregojnë solidaritetin për vendin tonë në momënte kaq të vështira.
