E ardhmja e Borha Valeros është padyshim larg Interit. Spanjolli jo vetëm që nuk e nis si titullar, por është edhe jashtë rotacionit që bën Antonio Konte.
Trajneri italian me këtë verpim i tregon derën e daljes mesfushorit që nuk është në planet e tij.
Siç raporton “FcInterNews”, ish-lojtari i Fiorentinës është gati të largohet që në janar. Verën që lamë pas ai refuzoi të rikthehej te Fiorentina dhe dy ofertat e Majorkës dhe Al Gharata. Por, tashmë duket i bindur se duhet të largohet njëherë e mirë nga Interi.
Disa klube kineze dhe amerikane kanë treguar interes për të, duke i siguruar kontratë dy-vjeçare dhe të ardhura të majme.
Mbetet të shihet se çfarë do të ndodhë me të ardhmen e spanjollit, që Konte nuk e ka shumë përzemër.