Simone Zaza përgatit një parakalim ndaj Mario Balotelli! Dy sulmuesit italianë, në qendër të merkatos, po bëjnë garë se cili do të marrë vendin e qendërsulmuesit të Marseille, pasi Olympique kërkon një “pykë” me peshë.
Objektivi kryesor i Rudi Garcia ishte “SuperMario”, që shpesh herë ka përsëritur dëshirën për t’u larguar nga Nice. Por kuqezinjtë nuk dorëzohen dhe i kanë refuzuar ofertat e Marseille. Në këto kushte ka nisur sulmi për Zaza.
Kurioz është fakti se Zaza po monitorohet edhe nga Nice, në rast se Balotelli do të largohet. Pra fatet e dy sulmuesve janë të kryqëzuara.
