Reali i Madridit duket i motivuar në maksimum këtë mbrëmje, teksa ka trefishuar shifrat në vetëm 14-të minuta ndaj Galatasaray. Pas dopietës së Rodrygos, ishte radha e Sergio Ramos, i cili shënoi nga pika e bardhë.
Një penallti mjaft e dyshimtë e akorduar nga gjyqtari kryesor pas konsultimit me VAR, ku Nzonzi ndërhyri ndaj Kroos në mënyrë të parregullt, por diskutimi ishte nëse ishte brenda apo jashtë zone. Gjyqtari akordoi 11-metërsh, dhe Ramos shpalosi gjithë klasin e tij, duke shënuar me “panenka”.
