Vendimi i parë që Real Madrid mori pas sezonit zhgënjyes 2018/19 ishte zgjatja e kontratës së Toni Kroos nga 2022 në 2023.
Gjermani ishte një nga lojtarët që u veçuan për performancën e tyre në sezonin e kaluar, por tani është një nga “ushtarët” e vjetër që udhëheq revolucionin nën drejtimin e Zinedine Zidane. Kroos është rritur përsëri me paraqitjet e tij gjatë muajve të fundit dhe është bërë një nga lojtarët kyç në formacion për Los Blancos.
“Kam luajtur në nivelin më të lartë për katër vjet, por më keq se vitet e kaluara. Jam ende i lumtur tek Real Madrid,” tha Kroos pas rinovimit të marrëveshjes së tij.
Kroos e ndihmoi Gjermaninë të sigurojë kualifikimin në Euro 2020 të Shtunën që lame pas, i vetmi trofe që nuk arriti të fitojë në karrierën e tij.
Së bashku me Manuel Neuer, ylli i Realit është një nga lojtarët e paktë që fitoi Kupën e Botës 2014 për të mbajtur vendin e tyre në skuadër nën drejtimin e Joachim Low.
Askush nuk ka luajtur më shumë ndeshje (95) ose ka shënuar më shumë gola (17) për Gjermaninë se Kroos.
“Ai është gjithmonë një talent, edhe kur skuadra është e rregullt ose jo,” tha Low për mesfushorin e Real Madrid.
“Ai është një lojtar jashtëzakonisht i rëndësishëm dhe është një model në rolin e tij. Është i veçantë për mënyrën se si e sheh këtë profesion.”
AlpeSport.al
