Mbrojtësi i Kombëtares, Kastriot Dermaku, e ka zënë një vend titullari tek Parma prej javësh, dhe sot ai luajti për 90 minuta në takimin ndaj Bolonjës.
Parmës i iku fitorja vetëm në momentet e fundit, dhe në fund ekipet u ndanë në një barazim 2-2. Ndërkohë, paraqitja e Dermakut vlerësohet me notën 6.5 nga “tuttomercatoweb”, dhe ky është komenti për shqiptarin: “Në pjesën e parë fut këmbën e tij nga një goditje e rrezikshme me të majtën e Orsolinit, një pritje që vlen pothuajse sa një gol. Gjithmonë e më shumë një siguri në mbrojtje, gjithashtu një bast i fituar i Parmës”.
