Klubi i Teutës, nëpërmjet një statusi në “Facebook”, kërkon që në qytet të ruhet qetësia, ndërsa bën me dije se shumë shpejt pritet që ekipi të zbresë në fushën e lojës.
Klubi blu shkruan se numri i pasgoditjeve nga tërmeti kryesor ka rënë ndjeshëm gjatë ditës së sotme, dhe tashmë në këto orët e fundit nuk ka rrezik që njerëzit të shqetësohen. Një situatë e tillë më e normalizuar ka bërë që edhe klubi i Teutës, brenda pak ditëve, të zbresë në fushë për përgatitjet anti-Skënderbeu.
STATUSI I TEUTËS
Ruani qetësinë!
Nuk mbahet mend që Durrësi të ketë qenë ndonjë herë në situatë më të vështirë që është aktualisht. Me probleme të mëdha nga termeti i 26 nëntorit. KF Teuta konfirmon se situata është qetësuar dhe ka ren ndjeshëm numri i pasgoditjeve .Ne mund t’iu themi se situata është duke u qetësuar. Mund t’iu sigurojmë se situata sizmologjike është shumë e qetë në këto orët e fundit. Nuk ka asnjë rrezik që njerëzit të shqetësohen. Çdo ngjarje sizmike shoqërohet me pasgoditje. Kjo ka bërë që situata në klubin e Teutës të jetë e qetë, dhe, brenda pak ditëve, skuadra pritet të zbres në fushë për të rinisur përgatijet anti-Skënderbeu.
