Antonio Konte dëshiron disa përforcime në merkaton e janarit dhe një nga lojtarët që kërkon tekniku italian është sulmuesi i Çelsit, Olivier Zhiru.
Sulmuesi francez pëlqehet shumë nga Konte, dhe e dëshiron me çdo kusht atë te skuadra që ai drejton. Drejtuesit zikaltër pritet të nisin ofensivën për të plotësuar këtë dëshirë të trajnerit dhe tashmë e kanë të qartë edhe çmimin që kërkon klubi anglez për futbollistin.
Çmimi i vendosur nga Çelsi për Zhiru është 7 milionë paund, çmim ky jo shumë i lartë për arkat e klubit zikaltër.
Francezi nuk është në planet e trajnerit Lampard dhe nëse do të plotësoheshin kërkesat e klubit, atëherë lojtari me shumë mundësi do të largohej.