Eden Hazard ka pranuar se shpreson që Kylian Mbappe t’i bashkohet te Real Madridi në dy vitet e ardhshme.
Los Blancos njihen si admirues të sulmuesit, i cili do të vizitojë Bernabeun të martën me PSG në ndeshjen e vlefshme për fazën e grupeve të Champions League.
“Ah sikur ta sillja Mbappe te Real Madridi…ai do të jetë një nga më të mirët në botë në vitet e ardhshme,” shprehet belgu për Le Parisien.
“Ka shumë lojtarë të rinj që kanë potencial të madh, por nëse Kylian vazhdon kështu, do të jetë një nga më të mirët e historisë.
Në moshën 20-vjeçare edhe unë isha kampion i Francës me Lille, por kur vjen puna te statistikat, nuk krahasohemi. Ai ka arritur kulmin e tij që në këtë moshë.”
