Ditën e djeshme Totenhemi zyrtarizoi shkarkimin nga posti i trajnerit, Mauricio Poçetinon, vendin e të cilit e mori Zhoze Murinjo.
Tekniku argjentinas u shkarkua nga stoli “Spërsat”, pas plot 5 viteve me suksesin më të madh që ishte arritja deri në finalen e Ligës së Kampionëve.
Pasi u shkarkua nga Totenhemi, tashmë janë disa ekipe që po ndjekin teknikun 47-vjeçar. Sipas asaj që shkruan “Sport”, tre klub janë në gjurmët e Poçetinos, dhe po mendojnë t’ia besojnë atij drejtimin e ekipit.
Bëhet fjalë për Bajernin që para pak ditësh shkarkoi Niko Kovaç, Realin që mund të shkarkojë Zidanin dhe Junajtid që nuk po marrin rezultate pozitive së fundmi, nën drejtimin e Solskjaer.
Pikërisht këto 3 klub, po ndjekin me vëmendje situatën e trajnerit dhe në të ardhmen mund të nisin kontaktet me të.
